INZIDENTZIAK 943857319
2018/02/28 

Elurragatik hainbat zerbitzu ezin izan ditu eman Mankomunitateak, greba bertan behera gelditu den arren.

Gaurko hainbat sindikatuk greba deitua zuten eta Mankomunitateko langileek bat egin zuten greba deialdiarekin, baina greba deialdia bertan behera utzi dute antolatzaileek. 

Hala ere, elurra dela eta, hainbat zerbitzu eman ezinda dago Mankomunitatea. Datozen orduetan egoera hobetu ahala, zerbitzuei ekingo dio Mankomunitateak eta Zestoako bilketa ohi bezala egingo da gaur 20:00tatik aurrera. 

 

2018/02/27 

Lanuztearen inguruko ohar garrantzitsua

Urola Erdiko Mankomunitateko langileok bat egingo dugu zerbitzu eta enpregu publikoaren aldeko lanuztearekin bihar, otsailak 28, asteazkena. Hauek dira lanuztearen eraginak:

  • Azpeitian ez diegu organikoa atez ate jasoko sortzaile bereziei.
  • Industriaguneetan film-bilgarria 6:00tan hasiko gara biltzen (8:00tan hasi beharrean), beraz, bezperatik ateratzea gomendatzen dugu.
  •  Zestoan herriguneko kuboak 21:00tarako jarriko dira (20:00tarako jarri beharrean) eta 22:00tatik aurrera bilduko dira hondakinak. Beraz herritarrek ordubete gutxiago izango dute hondakinak botatzeko.
2018/01/26 

Poltsa konpostagarrien erabileraren sustapenerako 2018-Kanpaina╗n parte har tzeko eta horri atxikitzeko Azkoitiko, Azpeitiko eta Zestoako udalerrietako merkatari tza eta zerbitzuetako establezimenduei zuzendutako diru-laguntzen deialdia

Poltsa konpostagarrien erabileraren sustapenerako 2018-Kanpaina┬╗n parte har tzeko eta horri atxikitzeko Azkoitiko, Azpeitiko eta Zestoako udalerrietako merkatari tza eta zerbitzuetako establezimenduei zuzendutako diru-laguntzen deialdia

Urola Erdiko Mankomunitateak argitaratu ditu poltsa konpostagarriak Azkoitiko, Azpeitiko eta Zestoako merkataritza eta zerbitzuetako establezimenduetan banatzeko diru-laguntza deialdia.

Aurkeztu nahi duen establezimenduak eskabide orria aurkeztu beharko du Urola Erdiko Mankomunitateko erregistro orokorrean 2018ko otsailaren 18a baino lehen.

2017/11/15  Azpeitia

Hondakinak biltzeko 60 puntu ipiniko dira

Hondakinak biltzeko 60 puntu ipiniko dira

Prozesua hasi zenetik lanekin eta egitekoekin bide egokia daramagu: bilera gehienak amaitu ditugu, eta informazio eta konpostagailuak ematen ari gara baserri eremuan. Hori horrela, aste honetan herrigunean banatu ditugu: alde batetik, sistemaren berri emateko triptikoa; eta bestetik, etxepe bakoitzari dagokion puntuaren berri emateko bandoa.

2017/10/11  Azpeitia

Hondakinen bilketa sistema berria ezartzeko bilerak egingo dira astelehenetik aurrera

Urte bukaerarako hondakinen bilketa sistema berria izatea aurreikusten du Udalak, eta horretarako hiru fasetan egingo den lanketa aurkeztu dute Eneko Etxeberria Alkateak, Aitor Bereziartua Urola Erdiko Mankomunitateko Lehendakariak eta Estitxu Elduaien alkateordeak. Lehen fasean landa-eremuko ekarpen guneak jarriko dira abian, eta astelehenean bertan hasiko dira auzoetan bilerak egiten, sistemaren nondik norakoak azaltzeko.

Azpeitia eta hondakinak "lotuta" daudela esanez hartu du hitza Eneko Etxeberria alkateak. Azken urteotan hainbat konpromiso politiko hartzen eta adosten joan da Udala:"Iaz Lapatx itxi genuen, eta orain, erronka berriari aurre egin behar diogu. Azpeitiarron erronka hondakinen %70a gaika biltzea da", adierazi du Etxeberriak.  Errauskailua ez egiteko alternatiba teknikoak badaudela gaineratu du, eta sistema berria ezarrita gaikako bilketa igotzean dagoela gakoa ere azpimarratu nahi izan du: "Gaika ondo bereizten baditugu hondakinak, ez da errauskailurik beharko".

Sistema sinplea izango da herritarrentzat: etxe bakoitzak hondakinak botatzeko txip bidez irekitzen diren organikoko eta errefusako edukiontzi bat (etxetik gertuena dagoena) izango ditu izendatuta, eta eguneko edozein ordutan eta edozein egunetan bota ahal izango dute edukiontzi horretara. Plastikoa, beira eta papera orain artean bezala jasoko da.
Etxeberriak, "bakoitzak gutxi eginda azpeitiarrok asko lortu" dezakegula ere azaldu nahi izan du.

2017/08/31  Zestoa

Zestoako herriguneko bizilagunek Carrefour eta Coviran-en jaso beharko dituzte poltsa konpostagarriak aurrerantzean

Zestoako herriguneko bizilagunek Carrefour eta Coviran-en jaso beharko dituzte poltsa konpostagarriak aurrerantzean

Irailaren 1etik aurrera, Carrefour eta Coviran supermerkatuetan banatuko dira doan poltsa konpostagarriak, orain arte banatu dituen La Huerta del Pais denda itxi egin delako. 

 

Arroa Beheko bizilagunek ez dute aldaketarik izango, eta Keixa frutadendatik jasotzen jarraitu beharko dute.

Poltsa konpostagarriak hondakin organikoak (janari ondarrak) botatzeko soilik erabili behar dira. 

 

2017/07/28 

Abuztuko ordutegia Garbiguneetan

Abuztuko ordutegia Garbiguneetan

Abuztuan Azkoitiko eta Azpeitiko Garbiguneetan ordutegi aldaketa izango dira. Azpeitiko Garbigunearen ordutegia astelehenetik ostiralera 8:00tatik 13:00tara izango da. Azkoitiko Garbigunearen ordutegia aldiz, astelehenetik ostiralera 9:00tatik 13:00tara izango da. 

Irailetik aurrera, ohiko ordutegia izango dute bi Garbiguneek.