Erosketak egitean poltsa berrerabilgarriak edota etxeko orga erabili. Plastikozko poltsa gehiegi sortzea saihestuko duzu.
Iturriko ura edan pitxarretik edo botila berrerabilgarrietatik. Botila gutxiago sortzea eta energia aurreztea lortuko duzu.
Erosi sasoiko produktuak, solteak eta bertakoak. Garraioan energia gutxiago behar da eta bilgarri gutxiago erabiliko duzu.
Eraman etxeko tupperra arrandegira eta harategira. Zuzenean hozkailuan sartu dezakezu, garbiagoa da eta ez duzu paper plastifikaturik bota behar izango zakarretara.
Haurrentzako oihalezko pardelak erabili. Haur batek 1.000kg inguru hondakin sortzen ditu erabili eta botatzeko pardelekin.
Postontzian jarri ezazu eranskailua, propagandarik ez duzula nahi adieraziz. Paperezko iragarkirik ez dizu inork sartuko postontzira. Eskatu eranskailua mankomunitatean.
Opariak egiterakoan, hondakin gutxiago sortzen duten produktuekin gogoratu. Opariak biltzean papera berrerabili, ahal den neurrian. Etxeko txikiak ingurumenaren alde hezteko modu aproposa da.
Ontzi berrerabilgarriak erabili. Bulegoan kafea hartzeko zeure katilua erabili dezakezu.
Zerbait erosi aurretik, ahal bada alokatu ezazu edo eskatu lagunei. Aldi baterako soilik erabili behar baduzu, merkeago aterako zaizu, eta ekologikoagoa da.
Ordainagiriak korreo elektronikoz bidaltzeko eskatu. Internetek dituen abantailak aprobetxatu ditzakezu eta papera murriztu.
