Gabonetako jai egunetan komertzio eta tabernen hondakinen bilketa aldaketak egongo dira.

Aurrerantzean Aitzaki Kirolaken banatuko dira poltsa konpostagarriak Xanjuandei auzoan

Babesa arropa denda tokiz aldatu dela eta, aurrerantzean Xanjuandegi gunean Aitzaki Kirolak dendak banatuko ditu poltsa konpostagarriak. Aitzakiz gain, Inar Optika, Xiriako kafetegia, Itzira janari denda eta Urrestillako estankoan ere doan jaso ditzakete herritarrek poltsa konpostagarriak.

Esleitu dira 2019-2020an poltsa konpostagarriak banatzeagatiko diru-laguntzak

Urola Erdiko Mankomunitateak antolatu du datozen bi urteetan poltsak banatzeko lehiaketa, baditu azken emaitzak ere; Ez da aldaketarik izan ez Azpeitian ez Zestoan, aldatu da, ordea, Azkoitian, bi guneetan establezimendua aldatu da-eta.

Poltsa konpostagarriak banatzeko diru-laguntza deialdia

Poltsa konpostagarriak merkatarien bidez banatzen ditugu Urola Erdiko Mankomunitatean, horretarako diru-laguntza deialdia egiten dugu urtero. Gaur argitaratu dugu Gipuzkoako Aldizkari Ofizialean 2019ko kanpainako oinarriak: bi urtetarako diru-laguntza deialdia izango da. Beraz, poltsa-konpostagarriak banatu nahi dituen edozein merkataritza establezimenduk eska dezake diru-laguntza, lehiaketa moduan auketuko dira horietatik hamaika: Azkoitian lau, Azpeitian bost, eta Zestoan bi.

Deialdiaren oinarriak

Aurkeztu beharreko dokumentazioa

• Eskaera orria

Eskaera aurkezteko epemuga: 2019ko martxoaren 14a

Irekita egongo dira gaur Azpeitiko organikoaren edukiontziak

Atzoko elurtea dela eta ezin izan zitzaien azpeitiko sortzaile bereziei organikorik jaso. Arazo honi konponbidea emateko, gaur osteguna, azpeitiko organikoaren edukiontzi guztiak irekita jarri dira, eta irekita egongo dira gaueko hamabiak arte.

Landa eremuan ekarpen gunean utzi beharko dira hondakinak, gaika sailkatuta

Hondakinen bilketa sistema berria ezartzeko prozesua aurrera doa. Landa eremuan, aldatzeko lanak amaituta, astelehenetik aurrera, urtarrilaren 8tik aurrera, gaika sailkatuta ekarpen guneetan utzi beharko dituzte hondakinak landa eremuko herritarrek.
 

Hondakinak biltzeko 60 puntu ipiniko dira

Prozesua hasi zenetik lanekin eta egitekoekin bide egokia daramagu: bilera gehienak amaitu ditugu, eta informazio eta konpostagailuak ematen ari gara baserri eremuan. Hori horrela, aste honetan herrigunean banatu ditugu: alde batetik, sistemaren berri emateko triptikoa; eta bestetik, etxepe bakoitzari dagokion puntuaren berri emateko bandoa.

Hondakinen bilketa sistema berria ezartzeko bilerak egingo dira astelehenetik aurrera

Urte bukaerarako hondakinen bilketa sistema berria izatea aurreikusten du Udalak, eta horretarako hiru fasetan egingo den lanketa aurkeztu dute Eneko Etxeberria Alkateak, Aitor Bereziartua Urola Erdiko Mankomunitateko Lehendakariak eta Estitxu Elduaien alkateordeak. Lehen fasean landa-eremuko ekarpen guneak jarriko dira abian, eta astelehenean bertan hasiko dira auzoetan bilerak egiten, sistemaren nondik norakoak azaltzeko.

Azpeitia eta hondakinak "lotuta" daudela esanez hartu du hitza Eneko Etxeberria alkateak. Azken urteotan hainbat konpromiso politiko hartzen eta adosten joan da Udala:"Iaz Lapatx itxi genuen, eta orain, erronka berriari aurre egin behar diogu. Azpeitiarron erronka hondakinen %70a gaika biltzea da", adierazi du Etxeberriak.  Errauskailua ez egiteko alternatiba teknikoak badaudela gaineratu du, eta sistema berria ezarrita gaikako bilketa igotzean dagoela gakoa ere azpimarratu nahi izan du: "Gaika ondo bereizten baditugu hondakinak, ez da errauskailurik beharko".

Sistema sinplea izango da herritarrentzat: etxe bakoitzak hondakinak botatzeko txip bidez irekitzen diren organikoko eta errefusako edukiontzi bat (etxetik gertuena dagoena) izango ditu izendatuta, eta eguneko edozein ordutan eta edozein egunetan bota ahal izango dute edukiontzi horretara. Plastikoa, beira eta papera orain artean bezala jasoko da.
Etxeberriak, "bakoitzak gutxi eginda azpeitiarrok asko lortu" dezakegula ere azaldu nahi izan du.

Poltsa konpostagarriak hainbat komertziotan banatuko ditugu aurrerantzean.

Urola Erdiko Mankomunitatetik lehiaketa antolatu genuen apirilean poltsa konpostagarriak komertzioetan banatzeko, horren hautaketa prozesua orain amaitu dugu; eta, komertzio hauek aukeratu ditugu poltsa banatzeko zerbitzua emateko:
 

Birziklagarria zen hondakinen %86,2 errefusaren edukiontzian, eta birziklaezina %13,8 bakarrik zen.